Fitorja e shkëlqyer e Bayern Munich ndaj Chelseat në "Stamford Bridge"(0-3) mbrëmjen e djeshme është sfumuar pas lajmit mbi dëmtimin e sulmuesit kryesor të tyre Robert Lewandoswki. Sulmuesi polak mori një dëmtim në gju mbrëmjen e djeshme dhe pas analizave mjekësore ditën e sotme bëhet e ditur se do të mungojë për afërisht 4 javë.
Në deklaratën zyrtare të klubit gjerman bëhet e ditur se Lewandowski ka pësuar frakturë në gjurin e tij të majtë dhe tashmë do të mbajë në mjete ortopedike këmbën për 10 ditë, ndërsa pas këtyre 10 ditëve do të nisë edhe trajnimi për rehabilitimin e tij.
Ky është një lajm i keq për Bayern, pasi sulmuesi i tyre do të humbasë ndeshjen e dytë në Champions League ndaj Chelsea, çerekfinalen në Kupën e Gjermanisë ndaj Schalke dhe më shumë se 3 ndeshje në Bundesligë.
Lexo gjithashtu
