Enea Jorgji do të vijojë të drejtojë në Ligat Europiane. Pas ndeshjes së Europa Ligës mes Beshiktash dhe Slovan Bratislavës, këtë herë për arbitrat shqiptar është besuar ndeshja e të rinjve mes Interit dhe Barcelonës.
Data 10 dhjetor do të shohë sërish në aksion arbitrat ndërkombëtar të Shqipërisë, me Enea Jorgjin që do të ketë ndihmës Rexhën dhe Myftarin. Kjo ndeshje për “Youth League” do jetë pararendëse për përballjet e ekipeve A, me zikaltërit që kërkojnë revanshin ndaj Barcelonës.
