Brazili i jep fund aventurës në Kupën e Botës pas eleminimit nga Kroacia. Duhej të vinte momenti i penalltive, pasi nuk mjaftoi as 90 minutëshi dhe as shtesat duke bërë që çdo gjë të vendosej nga pika e bardhë e penalltive.
Në fundin e ndeshjes ishte mesfushori Casemiro që foli për mediat, duke shprehur qartë mërzitjen për këtë eleminim. Në moshën 30 vjeçare, Casemiro shpreh qartazi dëshirën për të vijuar të mbajë veshur fanelën e Brazilit.
Deklarata
“Jam 30 vjeç dhe sigurisht që ka gjithmonë të rinj që afrohen. Po jetoj momentin më të mirë të karrierës sime, jam shumë i lumtur në klubi në të cilin jam. Kam humbur një mundësi, por mbi të gjitha duhet të shohim që tani do të vijë një trajner i ri. Duhet të keni respekt. Është një kohë e vështirë për të folur, por nuk duhet ta mendojmë tani. Do të thotë të kesh paqe mendore dhe mendjen e qetë”.
Lexo gjithashtu
