Marrin fund dilemat, Zymer Bytyqi do të luajë për Kosovën. Sulmuesi që është pjesë e Konyaspor në Superligën turke ka vendosur të përfaqësojë "dardanët" në arenën ndërkombëtare edhe pse kërkohej nga Norvegjia dhe Shqipëria.
Cikalleshi pak kohë më parë e "sponsorizoi" Bytyqin duke e ftuar të bashkohet me Kombëtaren kuqezi, ndërsa në një intervistë për "Telegraf" sulmuesi kavajas zbuloi se Bytyqi është në foksuin e Rejas dhe do të ftohet së shpejti. Për të mbyllur çdo dilem, Bytyqi në intervistën e tij për "Telegraf", theksoi se e ka vendosur prej kohësh dhe do të luajë për Kosovën.
"Së pari kam shumë respekt për Kombëtaret e interesuara për mua (Norvegjia dhe Shqipëria), por kam pasur kontakte me trajnerin Bernard Challandes dhe menaxherin Bajram Shala.
Kemi folur mirë dhe bisedat ishin shumë pozitive. E kam vendosur prej kohësh që dua të luaj për Kosovën, pasi është vendi im dhe më rreh më shumë zemra për ta. Besoj se shumë shpejt do jem në Kosovë".
Lexo gjithashtu
