Kupa e Botës po afron dhe në çdo shtet kanë nisur përgatitjen për të organizuar në mënyrën më të mirë të mundshme tifozët e tyre. Në Angli dhe Uells më shumë se 1300 tifozë kanë marrë urdhër për të dorëzuar pasaportat e tyre përpara startit të “Katar2022”.
Masat do të hyjnë në fuqi më datë 14 tetor, për të ndaluar çdo tifoz që ka shkaktuar probleme më parë. Kjo mendohet që ta parandalojë një përsëritje të këtyre problemeve në Katar.
“Ne nuk do të lejojmë që sjellja e një pakice që shkelin ligjin të njollosë atë që do të jetë një turne emocionues," tha Sekretarja e Brendshme Suella Braverman.
Kupa e Botës do të zhvillohet nga 20 nëntori deri më 18 dhjetor. 1,308 personat që i nënshtrohen urdhrave për ndalimin e futbollit "do të detyrohen të dorëzojnë pasaportat e tyre në policinë e Mbretërisë së Bashkuar", tha Zyra e Brendshme.
Ata që nuk respektojnë dhe përpiqen të udhëtojnë në Katar mund të përballen me 6 muaj burg dhe një gjobë të pakufizuar, paralajmëroi policia.
Lexo gjithashtu
