Brazili pas eleminimit nga Kupa e Botës, ka mbetur pa trajner. Humbja me Kroacinë pas “ruletës” së penalltive, ka pasuar me dorëheqjen e trajneri Tite. Federata Brazilit është vënë menjëherë në lëvizje duke kërkuar për një emër me peshë që ta vendos në krye të pankinës.
Trajneri Carlo Ancelotti është një nga të preferuarit e tyre. Kampioni i shumë titujve në europë ku mes tyre numëron dhe 4 Champions League, shihet si një dëshirë e madhe e brazilianëve. Ancelotti në fjalën e tij ka lënë çdo gjë të hapur, teksa është shprehur se është i lumtur në Madrid, por e ardhmja nuk dihet.
Deklarata:
"Për momentin jam i lumtur në Madrid, kemi shumë objektiva për këtë sezon. Unë kam një kontratë deri më 30 qershor 2024. Nëse Real Madridi nuk më shkarkon më parë, nuk do të lëviz. (Tite) bëri një punë të jashtëzakonshme dhe nuk shpiku asgjë të re, ai vendosi lojtarët në vendet e tyre dhe u dha një organizim të mirë mbrojtës. Nuk e di se çfarë më pret e ardhmja, unë jetoj jetën ditë pas dite.”
Lexo gjithashtu
