Brahim Diaz bëhet lojtari i rradhës që ndërron fanellën e Kombëtares. Fantazisti i Real Madrid vendosi të përfaqësojë Marokun, vendin e origjinës së mamasë së tij, duke hequr kështu dorë nga iberikët. Lidhur me këtë ka reaguar vetë trajneri i Kombëtares ‘La Roja’, Luis de la Fuentes.
“Për mua ka gjithmonë tre kushte për t'u përzgjedhur: një të luajë me kombëtaren, dy të dojë fanellën dhe tre ta zgjedhë trajneri. Më e rëndësishmja është ta duash fanellën pa pretendime e detyrime, me të drejta dhe detyra të barabarta, gjithmonë duke parë nga e ardhmja.
Nuk kam folur me të, por kam shumë vlerësim dhe respekt e i uroj më të mirat. Kur ke dyshime ose kërkon kërkesa dhe kushte të veçanta, më duket e drejtë që nuk ka atë ndjenjën e përkatësisë dhe atë bindje që duhet të jetë për të veshur fanellën e kombëtares”, tha De La Fuentes.
Lexo gjithashtu
