Çekia ka humbur thuajse çdo shans për t’u kualifikuar direkt në Botërorin 2026, pas disfatës surprizuese ndaj Ishujve Faroe. Edhe pse ekipi pritet të sigurojë vendin e dytë në grup dhe pjesëmarrjen në play-off, humbja e fundit ka tronditur drejtuesit e Federatës.
Pas mbledhjes urgjente të bordit, Federata Çeke vendosi të shkarkonte menjëherë trajnerin Ivan Hasek dhe ndihmësin e tij Jaroslav Vesely. Sipas drejtuesve, ky ishte vendimi i duhur pas një rezultati të papranueshëm ndaj një rivali modest si Ishujt Faroe.
Në ditët e ardhshme pritet të zgjidhet trajneri i ri që do të udhëheqë Çekinë në miqësoren kundër San Marinos dhe sfidën ndaj Gjibraltarit. Objektivi mbetet fitorja dhe përgatitja për fazën play-off, ku çekët mund të përballen me kundërshtarë si Shqipëria apo Kosova.
Lexo gjithashtu
Kosova “trondit” pankinën, shkarkohet trajneri
Nga Serbia në Suedi, shqiponjat “pushtuan” botën
