Lojtarët e Argjentinës mund të kenë mundësinë të shfaqin një mesazh lidhur me Ishujt Falkland (Malvinas) në rast se fitojnë Kupën e Botës 2026.
Sipas raportimit të Sky Sport, grupi i posaçëm i punës për FIFA-n në Shtëpinë e Bardhë ka dhënë miratimin paraprak, duke argumentuar se futbollistët kanë të drejtë të shprehin mendimin e tyre.
Debati nisi pas eliminimit të Anglisë, kur u shfaq mesazhi “Malvinas janë argjentinase”, i cili u interpretua nga shumë si një deklaratë politike. Për këtë arsye u ngritën dyshime se FIFA mund të ndërmerrte masa disiplinore.
Megjithatë, sipas raportimit, FIFA ka vendosur që çdo vlerësim mbi këtë çështje të bëhet vetëm pas përfundimit të Botërorit. Në të kaluarën, organi qeverisës i futbollit ka vendosur sanksione në raste të ngjashme që kanë përfshirë mesazhe me karakter politik.
Lexo gjithashtu
