Thomas Tuchel tashmë është trajneri i ri i Anglisë. Ish-timonieri i Bayern Munich është zyrtarizuar ditën e sotme në krye të “Tre Luanëve”, me të cilët ka firmosur një kontratë 1.5 vjeçare.
Më 1 janar të vitit 2025 do të nisë edhe punën zyrtarisht me Anglisë, ku do të nisë edhe përgatitjet për Kupën e Botës. Turne ky që do të mbahet ne Kanada, Meksikë dhe SHBA, me Anglinë që shikohet si një ndër pretendentet kryesorë për të fituar këtë trofe.
Pas zyrtarizimit 51-vjeçari ka thënë edhe fjalët e para si trajner i anglezve. Tuchel është shpehur shumë krenar dhe privilegj i madh të punojë me lojtarë të mëdhenj. Ndër të tjera ka nënvizuar se mezi pret që të fillojë të punojë me skuadrën.
“Jam shumë krenar që më është dhënë nderi të drejtoj ekipin anglez. Unë kam ndier prej kohësh një lidhje personale me lojën në këtë vend dhe më ka dhënë disa momente të pabesueshme të kem mundësinë të përfaqësoj Anglinë është një privilegj i madh dhe mundësia për të punuar me këtë grup të veçantë dhe të talentuar. Është shumë emocionuese.
Duke punuar ngushtë me Anthony-n si ndihmës trajneri im, ne do të bëjmë gjithçka që mundemi për ta bërë Anglinë të suksesshme dhe përkrahësit krenarë. Dua të falënderoj FA, në veçanti Markun dhe John, për besimin e tyre dhe mezi pres të fillojmë rrugëtimin tonë së bashku”, ka deklaruar Tuchel.
Lexo gjithashtu
