Thiago Motta duket gjithnjë e më larg Juventusit. Trajneri italian ka humbur besimin e drejtuesve të klubit dhe me shumë mundësi në verë s’do të jetë më “timomnier” i torinezëve.
Ditëve të fundit u përfol për Gian Piero Gasperinin apo Antonio Conten, por të dy këta trajnerë janë hequr nga lista.
Klubi bardhezi ka nisur seriozisht punën për trajnerin e ri, teksa dy të rinjtë në listë janë Stefano Pioli dhe Roberto De Zerbi. I pari është në kontratë me Al Nassr e i dyti me Marseille në Francë, por një ofertë nga Juventusi që pretendon tituj madhorë në Europë do t’i tundonte.
Marrëdhënia e drejtuesve të Juves është mjaft e mirë me të dy trajnerët, kjo për shkak se të dy kanë qenë më parë pjesë e Serie A.
Megjithatë, pritet të shihet si do të shkojnë gjërat deri në fund të sezonit. Një “mrekulli” mund të shpëtojë Mottën, por Pioli dhe De Zerbi janë pas dere duke pritur shansin e artë.
Lexo gjithashtu
