Te Anglia vazhdojnë punën për gjetjen e zëvendësuesit të Gareth Southgate. Disa emra qarkullojnë si kandidatë për të marrë në dorë “frenat” e “Tre Luanëve”.
Por një prej kandidatëve të mundshëm për stolin e Anglisë është tërhequr. Fjala është për Eddie Howe, i cili ka deklaruar se nuk ka patur asnjë kontakt me krerët e Federatës, ndërsa shton se edhe sezonin e ri do të qëndrojë në krye të Newcastle.
“Askush nuk më ka kontaktuar për postin e trajnerit të Anglisë. Gjithsesi, unë jam totalisht i fokusuar te puna në krye të Neëcastle. Lojtarët e skuadrës sime e dinë që unë jam i impenjuar maksimalisht për sezonin e ri dhe për të marrë më të mirën”, u shpreh Howe.
Me dorëheqjen e Howe lista ngushtohet. Tashmë kandidatë potencialë janë Thomas Tuchel, Mauricio Pochetino dhe Graham Potter.
Lexo gjithashtu
