Jonathan Tah e ka bërë të qartë një herë e mirë se do të largohet nga Bayer Leverkusen në fund të sezonit.
“Aspirinat” do t'i japin lamtumirën Jonathan Tah këtë verë, me qendërmbrojtësin që do të largohet si transferim i lirë kur t'i skadojë kontrata.
Pas barazimit 1-1 të Leverkusen me St. Pauli të dielën, Tah konfirmoi ikjen e tij të afërt në një intervistë për “Kicker”, duke u përgjigjur me një "po" të vendosur kur u pyet nëse largimi i tij është i vendosur.
Ai ka theksuar se vendimi i është komunikuar klubit kohë më parë.
Spekulimet për destinacionin e tij të ardhshëm po shtohen. Barcelona dikur konsiderohej si kryesuesi, por çështjet e vazhdueshme financiare në klubin katalanas mund të komplikojnë çdo lëvizje të mundshme.
Tah ishte afër bashkimit me Bayern Munich verën e kaluar, ama marrëveshja dështoi, pasi klubet nuk mund të bien dakord për një tarifë transferimi. Që atëherë, interesi i ndërsjellë duket se është “ftohur”.
Kohët e fundit, klubet kryesore në Angli dhe Itali raportohet se kanë shprehur interes, sikurse thashethemet e kanë lidhur Real Madridin me mbrojtësin.
Lexo gjithashtu
