Khvicha Kvaratskhelia me shumë gjasa nuk do të largohet nga Napoli, pasi drejtuesit e kanë në planet e tyre për sezonet e ardhshme. Sipas mediave italiane mosmarrveshjet mes palëve kanë marrë fund dhe bëhet me dije se janë shumë afër arritjes së marrëëveshjes mes tyre për rinovimin e kontratës.
Kontrata aktuale e gjeorgjianit i përfundon në vitin 2027 dhe rinovimi pritet të bëhet deri në vitin 2029. Sigurisht që me zgjatjen e kontratës për lojtarin do të ketë edhe më shumë përfitime financiare, pasi siç dihet është një lider në repartin e avancuar te skuadra e Napolit.
Kujtojmë se sulmuesi u transferua te Napoli në 2022 dhe ishte një nga lojtart kryesorë të skuadrës në titullin e fituar në sezonin 2022-2023. Ndërkohë në këtë sezon ka arritur të shënojë 5 gola dhe të japë edhe 3 asiste në 17 ndeshje të zhvilluara.
Lexo gjithashtu
