Juventus ka fituar në transfertë përballë Atalantës, në ndeshjen e vlefshme për javën e 32-të të Serie A. Sfida e zhvilluar në stadiumin e Bergamos, përfundoi me shifrat 0-1.
Golin e vetëm për torinezët dhe të vetmin e ndeshjes, e shënoi Jeremie Boga. Anësori i “Zonjës së Vjetër”, e gjeti rrugën e rrjetës në minutën e 48-të, duke i dhuruar një triumf të rëndësishëm të tijëve.
Kështu, Juventus ngjitet në vendin e katërt duke kapur zonën Champions, në kuotën e 60 pikëve, 2 më shumë se Como i vendit të pestë. Por, këta të fundit kanë një ndeshje më pak.
Në krahun tjetër me 53 pikë, Atalanta mbetet në vendin e 7-të, duke mos qenë fare pjesë e Kupave të Evropës.
Përsa i përket mbrojtësit të Kombëtares shqiptare, Berat Gjimshitit, ky i fundit ishte titullar në këtë duel. Ai luajti gjatë gjithë ndeshjes, por nuk ia doli të ndihmonte ekipin e tij për të dalë me pikë nga ky duel.
GOLAT:
Goli i Boga (Atalanta 0-1 Juventus)
Lexo gjithashtu
