Claudio Ranieri e ka nisur me humbje kapitullin e tretë tek Roma. Tekniku italian doli nga pensionimi për të rimarrë drejtimin e klubit kryeqytetas. Por në sfidën kudnër Napolit, romanët panë të humbisnin prej një ishi si Lukaku.
73 vjeçari e ka shprehur se klubi italian është zemra e tij, pasi është ekipi i fëmijërisë. Ranieri vlerësoi urinë e skuadrës dhe vendosmërinë pavarësisht disfatës.
“Ne kemi disa probleme. Kjo është arsyeja përse unë u thirra.
Ishim kundër një ekipi që lufton për Scudetton. Jam i kënaqur me paraqitjen e djemve. Bëmë disa gabime, por që rregullohen me kalimin e kohës. Ndihem pozitiv, edhe pse kemi shumë punë përpara.
Nuk do të ulemi e të ndjejmë keqardhje. Lojtarëve u duhet injektuar karakter.”, u shpreh tekniku i Romës, Ranieri.
Roma luan me Tottenham një superpërballje në Europa League këtë të enjte dhe klubi italian kërkon fitoren pas befasisë me belgët e Union St. Gilloise në raundin e kaluar.
Lexo gjithashtu
