Teksa Amir Rrahmani po vijon fazën e rehabilitimit, Napoli korri suksesin e radhës në kampionat mbrëmjen e djeshme. Kampionët e Italisë arritën të mposhtnin Fiorentinën në transfertë me shifrat 3-1.
Një sfidë tepër e mirë e napolitanëve, po ashtu edhe e Sam Beukema, zëvendësuesit të Rrahmanit që gjeti golin në debutim. Në përfundimin e sfidës, mbrojtësi holandez doli në prononcim për mediat.
“Fitore e shkëlqyer në një fushë të vështirë. nuk mund të kisha bërë një debutim më të mirë, forca Napoli”, thotë Beukema, duke e “lëkundur” pozitën e mbrojtësit shqiptar tek Napoli.
Gjithashtu edhe Alessandro Buongiorno foli për shokun e tij të ri në mbrojtje. “Unë dhe Beukema u lidhëm menjëherë në lojë, duke u përpjekur të komunikonim sa më shumë që të ishte e mundur. Shkoi shumë mirë dhe jam i lumtur që ai gjeti gol në debutimin”, tha Buongiorno.
Lexo gjithashtu
