Milani dëshiron të afrojë edhe një mesfushor për të plotësuar repartin këtë merkato. I përzgjedhuri i kuqezinjve është Mats Wieffer i Feyenoord dhe kontaktet e para me agjentin kanë nisur.
Drejtuesit e Djallit zhvilluan bisedimet paraprake në ditët e fundit me hollandezin i cili është emri i ‘filtruar’ i listës së gjatë të merkatos kuqezi. Vetë futbollisti ka shprehur kënaqësinë e tij për një lëvizje të tillë.
Kontaktet do të thellohen më shumë në ditët në vazhdim teksa pritet të qartësohet edhe kërkesa e Feyennord për çmimin e lojtarit. 24-vjeçari shkëlqeu këtë sezon duke regjistruar 6 gola e 4 asiste në 42 ndeshje, jo pak për një ‘6-sh’ para mbrojtjes.
Nëse kjo marrëveshje mbyllet, do të sillte në kujtesë ‘Trion’ e famshme hollandeze në epokën e artë të Milanit me Van Basten, Gullit e Rijkaard. Dy mesfushorë dhe një sulmues, njëjtë siç mund të ndodhë edhe në përfundim të kësaj vere me Reijnders që është në ekip si dhe Zirkzee i cili duket më pranë se kurrë.
Lexo gjithashtu
