Zëvendës-presidenti i Interit, Javier Zanetti, është shprehur mjaft hapur për interesimin e Nerazzurrëve për Joshua Zirkzee , sulmuesin e ri dhe të talentuar të Bolognas. Autori i 11 golave e 4 asisteve në Serie A është një objektiv primar i rivalëve të qytetit, Milanit që sheh t’i rrezikohet marrëveshja nga zikaltërit.
"Zirkzee është një kampion i madh. Ne po flasim për një lojtar të ri, të talentuar, inteligjent, fizikisht shumë të fortë. Dikush i tillë do të ishte i dobishëm për çdo ekip të madh që synon qëllime të rëndësishme. Nëse paraqitet një mundësi e rëndësishme, ndoshta mund të mendojmë për atë.
Zirkzee, Lautaro dhe Thuram janë tre sulmues të rinj, të fortë që të japin qetësi. Nëse lindin mundësi që trajneri i konsideron të rëndësishme për të vazhduar rritjen e ekipit tonë, ne do ta bëjmë këtë”, tha Zanetti.
Veç Milanit, për Zirkzee interesohet edhe Juventus duke bërë që gara për bomberin hollandez të jetë mes tre gjigantëve italian.
Lexo gjithashtu
