Alvaro Morata u rikthye në Serie A, teksa veshi fanellën e Milanit. Në një intervistë të dhënë së fundmi, sulmuesi spanjoll thotë se se Milani është sfida më e madhe e karrierës së tij. Ndër të tjera, kampioni i Europës me Spanjën nuk kursen elozhen për Camardan, sulmuesin e talentuar të Milanit. Për të, Morata thotë se ai ka potencialin që ta ulë një ditë në stol.
“Milani është sfida më e madhe dhe më e bukur e karrierës sime. Transferimi këtu ishte shumë i lehtë. Ata thjesht më donin, asnjë ekip nuk më kishte dhënë kaq shumë besim. Ditët e fundit kam folur me Kaka, me Ibrahimovicin dhe me Beckhamin që më kujtuan historinë e këtij klubi. Mezi pres të shkruaj emrin tim në historinë e Milanit.
Camarda? Camarda është e tashmja dhe e ardhmja e Milanit. Ndoshta një ditë do të më ulë edhe mua në stol. Triumfi në Europian? Ishte një emocion i jashtëzakonshëm. Është një rrugëtim që nisi në moshën 12-13 vjeç kur vesha për herë të parë fanellën e kombëtares së të rinjve. Ky Europian ishte një përrallë”, tha sulmuesi spanjoll, Alvaro Morata.
Lexo gjithashtu
