Maurizio Sarri është i papunë që prej marsit të vitit të kaluar kur u largua nga suadra e Lazios. 66-vjeçari e ka shfrytëzuar këtë periudhë për të rifituar energjitë e shpenzuara, ndërsa ofertat dhe interesimet për të nuk mungojnë.
Sipas mediave në Itali, ish-timonieri i Napolit po përgatit rikthimin e bujshëm. Italiani po lidhet ngushtë me një rikthim në Serie A, ku skuadra e Fiorentinës e mendon për stolin e saj.
Siç dihet ekipi “vjollcë” nuk po kalon një moment të mirë në kampionat dhe kjo ka bërë që drejtuesit të mendojnë për një timonieri të ri. Saktësisht dueli me Leccen që do të luhet në kampionat do të jetë vendimtar për Raffaele Palladino dhe nëse ekipi nuk arrin të sigurojë 3 pikët me shuma gjasa palët mund të ndajnë rrugët.
Në këto kushte Sarri mendohet të jetë i duhuri për ti besuar stolin e ekipit për pjesën e mbetur të sezonit. Kujtojmë se Sarri në Serie A ka drejtuar ekipe si Napoli, Empoli, Juventusi dhe së fundmi Lazio.
Lexo gjithashtu
