Juventus arriti me vështirësi të kualifkohej në finalen e Kupës së Italisë. Ishte Milik, që shënoi golin e vetëm për Juventusin, në humbjen 2 me 1 ndaj Lazios.
Gjysmëfinalja e parë që u fitua 2 me 0 ishte mjaft e rëndësishme. Milik, që rezultoi vendimtar 2 minuta pasi u aktivizua nga stoli, ka folur në përfundim të takimit.
"Ndeshja shkoi keq, vuajtëm mjaftueshëm dhe Lazio na vuri në vështirësi. Jemi të lumtur që pas pak javësh do të kthehemi këtu për të luajtur finalen dhe gjithashtu sepse kemi hyrë në Superkupë. Mund të bëjmë më mirë, por ne vlerësojmë që shkuam në finale”.
Sa bukur është të hysh dhe të shënosh?
"Jam i lumtur sepse u ktheva pas dëmtimit dhe pata mundësinë të luaj disa minuta. Timo më dha një top të mirë, i lumtur për ekipin dhe tifozët."
Ju jeni njeriu i Kupës së Italisë: pas hat-trick ndaj Sassuolos, goli sonte dhe më pas në datën 15 ka një tjetër sfidë.
“Le të presim, të shpresojmë që pas disa javësh të sjellim pak gëzim për tifozët”.
Lexo gjithashtu
