
Juventusi u rikthye këtë vit në kampionat duke barazuar sërish, kësaj radhe në derbin e qytetit ndaj Torinos. Bardhezinjtë kanë rezultate jo të mira dhe rrezikojnë të mbeten jashtë zonës Champions nëse vazhdojnë me të tilla paraqitje.
Takimet që e presin Juventusin deri në fund të janarit janë vendimtare për Thiago Mottën në stolin e klubit. Për t’i dhënë një dorë trajnerit italian po mendojnë Vlahovic dhe Conceicao.
Lajme të mira kanë mbërritur sot në Torino nga infermieria e klubit. Pasi mungoi në sfidën e djeshme, Vlahovic është rikthyer në stërvitje sot me pjesën tjetër të skuadrës dhe është i gatshëm për ndeshjen tjetër ndaj Atalantës të martën.
Ndërsa djaloshi portugez po rikuperohet dita-ditës, duke vazhduar punën i diferencuar nga pjesa tjetër e grupit. Pas disa ditësh, gjendja e tij do të vlerësohet sërish.