Christian Pulisiç duket se dita-ditës po ngel shumë i kënaqur me Italinë e me Milanin. Ai ka folur në një kanal sportiv në platformën YouTube dhe është shprehur për eksperiencën e tij në vendin që e quan “Bel Paese” ose vend i bukur. Madje, ai shkon në ato kufijë sa t’a quaj lëvizjen në Milano si ndryshim jete.
“Jam shumë i dashuruar me Milanin. Më ndryshoi karrierën ky transferim. Më pëlqen jashtëzakonisht shumë edhe Italia si vend. Unë jetoj afër liqenit të Comos dhe jam çmendur me pamjen që më ofrohet. Për të gjitha këto arsyet, dua të fitoj sa më shumë gjëra që t”ia shpërblej Milanit”, u shpreh futbollisti i përfaqësueses amerikane.
Pulisiç u shpreh se me Musah është ambientuar shumë mirë duke qenë fakti e ata luajnë kurdo bahskë si në kombëtare dhe në skuadër. Mund të thuhet se të dy amerikanët e milanit tashmë gjenden me njëri-tjetrin me symbyllur dhe ky afrimitet mund të ndikojë tek “Kuqezinjtë” për të krijuar një “duo amerikanësh” që t’a ketë zili Europa.
Lexo gjithashtu
