Një lajm i trishtë vjen nga klubi i Milanit ku Costantino Borneo është ndarë nga jeta në moshën 52-vjeçare. Ish-sulmuesi i kuqezinjve që debutoi në epokën e artë të Arrigo Sacchit nuk arriti të fitonte betejën me një sëmundje të rëndë.
Prej vitesh ai është trajner në akademinë e Milanit duke kontribuar jo pak në klubin kuqezi. Me një postim në faqen zyrtare, Milani i dedikon një artikull emocionues Tinos, ashtu siç e njihnin të gjithë.
-NJOFTIMI I KLUBIT-
CIAO TINO!
Ka ndërruar jetë mëngjesin e sotëm Tino Borneo, trajneri i ekipit të kuqezinjve nën 12 vjeç.
Asnjëherë nuk përgatitesh t'i thuash lamtumirë dikujt që ka qenë pjesë e jetës sonë, qoftë edhe vetëm duke e prekur me majat e gishtave ose si një frymë ere. Costantino , i njohur nga të gjithë si Tino Borneo na la këtë mëngjes, në heshtje, por duke lënë një jehonë rezonuese në mendjet e shumë kuqezinjve. Kuqezinjtë ishin një lëkurë e dytë për të, fillimisht si lojtar i ekipit të të rinjve, më pas me debutimin e tij në ekipin e parë në ndeshjen e Kupës së Italisë kundër Lecce-s, ku në paraqitjen e tij të vetme zyrtare, ai gjithashtu shënoi.
Ai luajti për shumë skuadra dhe takoi shikimin e njerëzve të panumërt para se të kthehej në shtëpinë e tij për t'iu përkushtuar futbollistëve të së ardhmes. Me ekspertizën e tij teknike, përvojën dhe humorin e tij, ai mundi të krijojë një lidhje të veçantë mes kolegëve të stafit dhe veçanërisht me kampionët e rinj, ata që nga sot do të vazhdojnë trashëgiminë e tij sportive dhe njerëzore. Këtë sezon, Tino ishte në krye të ekipit U-12 të AC Milan , por shumë djem të tjerë kanë qenë nën tutelën e tij dhe do të kenë detyrën të përcjellin trashëgiminë e tij. Sot është një ditë lotësh dhe dhimbjesh. Lotë dhe dhimbje që duhet t'i transformojmë në emocionet dhe pasionin e të qenit bashkë në fushën e futbollit, emocionet që karakterizuan Tino.”
Lexo gjithashtu
