Sulmuesi i ri i Milanit, Tammy Abraham foli për herë të parë në një intervistë për klubin që pas prezantimit të tij me kuqezinjtë. Bomberi anglez shprehet mjaft i lumtur për transferimin te Milani, klub me të cilin është rritur. Më tej, ai premton se do të bëjë maksimumin për të shënuar sa më shumë gola pasi për këtë është afruar në ekip.
“Jam rritur duke ndjekur Milanin. E konsideroj një ekip dhe klub të shkëlqyer. Kur pashë se ishte i interesuar për mua, nuk bëra gjë tjetër veçse prita, duke i thënë vetes një mijë herë se ishte vendi ku doja të isha.
Roma? Jam falenderues dhe tifozet e dine kete gje, pasi kam raport fantastik por kishte ardhur momenti te rrisja nivelin dhe mendoj se keshtu bera.
Zemra ime është këtu tani, koka ime është këtu dhe unë jam një tifoz i Milanit si gjithë të tjerët. Do te luaj ne nje stadium magjik, me nje tifozeri te jashtezakonshme. Do të bëj çmos që të mbahem mend me kete fanelle.
Forma fizike? Ndihem më të mirë. Jam duke u rikuperuar nga lëndimi i gjate qe pata, por realisht jam i lumtur me gjendjen që gëzoj aktualisht. Me duhet ende te njoh menyren e lojes dhe shoket e ekipit, edhe pse disa i njoh si Tomori, Loftus Cheek apo Morata.
Me Leaon bisedova para se të aktivizoheshim dhe situata e golit ishte pikërisht ajo që donim të bënim. Shpresoj të kem rezultate të mira, të kemi një ndikim pozitiv.
Milani më ka marrë për të shënuar gola dhe për të ndihmuar sulmin, sidomos në lojën në ajër. Ndaj detyra ime është vetëm kjo dhe objektivi që kam këtë sezon gjithashtu. Morata është një lider dhe pranë tij vetëm mund të rritesh më shumë dhe të formohesh më shumë”, tha Abraham.
Lexo gjithashtu
