Juventus barazoi në ndeshjen e fundit në kampionat përballë Leçes me rezultatin 1-1. Një barazim që duket se ka lënë një shije të hidhur, por portieri Mattia Perin i qahet mungesave. Megjithatë, ndër të tjera Perin thotë se janë në rrugën e duhur për të arritur te sukseset.
“Mungesat janë fakt, por ne nuk na pëlqen të ndjejmë keqardhje për veten. Ka shumë djem të rinj, të cilët po demonstrojnë vlera të mëdha njerëzore. Skuadra është e ndërtuar me 23, 24 lojtarë që mund të luajnë, nuk na pëlqen të na vijë keq për veten dhe duam vetëm të fitojmë.
Jo vetëm sepse jemi Juventusi, por sepse jemi të sigurt se rruga që po ndjekim është e duhura që na çon te suksesi. Është një mënyrë loje që rrit shanset për të fituar dhe ne kemi besim te kjo gjë”, është shprehur portieri i “Zonjës së Vjetër”, Perin.
Lexo gjithashtu
