Aurelio de Laurentiis nuk do të kursehet aspak për t’i sjellë Antonio Contes lojtarët e dëshiruar. Kështu sipas mediave italiane bëhet me dije se presidenti i napolitanëve ka hapur “thesin” për të transferuar në Napoli sulmuesin e preferuar të italianit.
Bëhet fjalë për Romelu Lukakun, me të cilin raportohet se është arritur marrëveshja prej ditësh. Palët kanë rënë dakort për një kontratë 3-vjeçare, me belgun që do të përfitojë 6 milionë euro në sezon.
Tashmë Napoli dhe Chelsea vazhdojnëq punën për të gjetur marrëveshjen mes tyre. Italianët ofrojnë për shërbimet e Lukakut 25 milionë euro plus bonuse, ndërsa nga krahu tjetër anglezët kërkojnë 40 milionë euro për të lënë të lirë sulmuesin.
Mbetet të shihet nesë mes klubeve do të arrihet një marrëveshje dhe në ditët në vazhdim do të mësohet më shumë nëse Conte dhe Lukaku do të ribashkohen sërish apo jo.
Lexo gjithashtu
