Gara për titull në kampionatin italian është ende e hapur mes Interit dhe Napolin. Por nuk duhet harruar as Atalanta që është gjashtë pikë larg vendit të parë. Ish-trajneri i Kombetares shqiptare, Edi Reja ka folur për garën për titull në Serie A.
“Sfida mes Atalanës dhe Fiorentinës do të jetë një përballje e bukur mes dy skuadrave që luajnë futboll të mirë. Atalanta është një skuadër e fortë, nuk janë jashtë luftës për titull, skuadra e tyre ka ambicie të mëdha. Edhe Fiorentina ka hyrë në elitën e futbollit italian dhe po bën gjëra të jashtëzakonshme.
Toskanët në Champions League? Ëndrrat nuk realizohen kur nuk beson në to... Kanë mbetur edhe nëntë ndeshje. Mendoj se Fiorentina mund të aspirojë në Europë, kjo do të ishte një arritje e madhe. Pastaj Champions League është pak larg, por skuadra ka cilësitë për të luftuar.”, u shpreh Reja.
Lexo gjithashtu
