Trajneri i Juventus, Massimiliano Allegri foli para ndeshjes me Cagliarin në transfertë. Ndër të tjera, ai iu referua dhe një episodi me Chiesan në ndeshjen ndaj Torinos ku sulmuesi pati një reagim shpërthyes pas zëvëndësimit.
"Federico pati vështirësi pas dëmtimit dhe ne e dinim, por unë jam i kënaqur me atë që po bën. Gjithsesi ai duhet të presë më shumë nga vetja. Shpërthimi? Ka pasur edhe më keq, ai donte të qëndronte në fushë dhe të luante, por një trajner bën gjithmonë zgjedhje në bazë të së mirës së skuadrës. Megjithatë, ai lëvizi mirë kundër Torinos, madje bëri një asist dhe për ne ai mbetet një lojtar shumë i rëndësishëm nesër duhet të vlerësoj se kush do të luajë mes tij e Yildiz.”
Pse jo Chiesa dhe Yildiz bashkë? A është vetëm një çështje taktike dhe ekuilibri mbrojtës?
“Faza e mbrojtjes duhet të jetë një pikë e fortë e të gjitha skuadrave, futbolli ka ndryshuar por e vetmja gjë që nuk ka ndryshuar është diferenca e golave, nga këtu vijnë shifrat për të fituar kampionatet. Le të shohim, Kean është jashtë, Milik është rikthyer... Ndryshimet në pankinë, sidomos tani me 5 zëvendësimet, janë të rëndësishme”.
Lexo gjithashtu
