Brazili ka arritur të dal fitimtar nga transferta kiliane ditën e djeshme. Paraqitja e mirë e Brazilit u mbështet tek dyshja e ekipit vendas Botafogo.
Pas një goli të papritur në minutat hapëse të sfidës, kombëtarja braziliane arriti të marrë veten dhe në fund e fitoi ndeshjen me përmbysje. Ndeshja ishte dramatike në minutat e fundit ku dhe Luiz Henrique arriti të shënojë golin e fitores.
Shënuesi tjetër për “Seleçao” që ekuilibroi rezultatin ishte Igor Jesus. Kjo ishte paraqitja e tij e parë ndërkombëtare. Të dy lojtarët golashënues aktivizohen në kampionatin brazilian Brasileirao.
Kjo fitore e ngjit Brazilin në vendin e katërt në renditjen e kualifikueseve. Ndeshja ishte e shoqëruar me nota tensioni gjatë gjithë 90 minutave për shkak të rivalitetit kileno-brazilian. Kështu kombëtarja 5 herë kampione bote siguron fitoren e katërt në rrugën për Kupën e Botës 2026.
Lexo gjithashtu
