Julian Nagelsmann rinovoi kontratën me përfaqësuesen e Gjermanisë vetëm pak ditë më parë. Tekniku gjerman do të jetë në pankinën e “Paznerave” deri në vitin 20226, duke përfshirë këtu edhe Botërorin që do të luhet po atë vit.
Së fundmi, 36-vjeçari ka treguar që nuk ka qenë vetëm Bayern Munich ekipi që interesohej për të, por ka patur edhe disa klube të tjera. Megjithatë, Nagelsmann ka preferuar që të mos i bëjë publike emrat e klubeve të tjera.
“Nuk ishte vetëm Bayerni që më kërkonte, kishte edhe klube të tjera që më ofruan postin e trajnerit. Por unë gjithmonë kam patur raporte të mira me drejtuesit e Federatës Gjermane të Futbollit. Edhe bisedimet me ta kanë qenë shumë pozitive.
Rudi Voeller më ka ndihmuar shumë, më ka mbrojtur në shumë raste. Ai ka luftuar për mua. Më telefonon dhe më shkruan shpesh. Krijova ndjesinë se të gjithë ishin në anën time, kështu që nuk kisha si të mos rinovoja”, është shprehur Nagelsmann.
Lexo gjithashtu
