Mathys Tel ka folur për herë të parë si futbollist i Tottenham. Sulmuesi që la Bayernin dhe u huazua te “Spurs”, shprehet shumë i lumtur me këtë lëvizje që ka bërë. Ndër të tjera, francezi tregon se ka marrë mendim edhe nga ish-lojtarë të Tottenham, si Harry Kane apo Eric Dier, që tashmë janë bavarezë.
“Pse zgjodha Tottenham? Ishte opsioni më i mirë për mua. Unë jam gati të luaj, jam këtu, gati të rritem. Tani unë jam shumë i lumtur. E ndjeva angazhimin, fola me presidentin, menaxherin e ekipit, trajnerin dhe siç thashë, kjo ishte shumë e rëndësishme për mua.
Edhe ish-lojtarë të Tottenham që tani janë të Bayern si Harry Kane apo Eric Dier më thanë që nëse do dëshiroja të punoja këtu, kam gjithçka. Kjo është e mirë për mua, sepse është një mundësi e mirë për të punuar, për të mësaur çdo ditë. Kështu më kanë thënë”, është shprehur Mathys Tel.
Lexo gjithashtu
80 milionë euro për Barçën, United tenton talentin spanjoll
Problemet në mbrojtje, Chelsea dërgon skautë në Serie A
