Edhe pse në merkato ka shpenzuar qindra milionë euro, Chelsea po kalon një nga momentet më të vështira të viteve të fundit. “Blutë e Londrës” ndodhen në vendin e 12-të në tabelën e renditjes së Premier League me vetëm 40 pikë. Chelsea është plot 17 pikë larg zonës europiane.
Teksa në ndeshjen e fundit, skuadra e drejtuar nga Pochettino barazoi 2-2 përballë Burnley, ekip që mban vendin e 19-të (parafundit) në tabelë. Pikërisht për këtë situatë të skuadrës, ka folur vetë trajneri, Mauricio Pochettino. Argjentinasi thotë se nuk është justifikim përvoja dhe mosha, teksa shton se dëshiron një ekip energjik dhe konkurrues.
“Nuk është justifikim të jesh i ri dhe pa përvojë. Fatkeqësisht, këtu nuk ka shumë kohë për t’u përmirësuar, sepse pritshmëritë janë shumë të larta në Premier League. Veçanërisht nga klubi ynë.
Duhet të luajmë më mirë, të jemi më energjikë dhe të tregojmë se mund të jemi më konkurrues si skuadër. Nuk mjafton të jemi një skuadër spektakli që luan për t’u argëtuar, duhet të jemi konkurrues”, është shprehur Pochettino.
Lexo gjithashtu
