Chelsea ka arritur një marrëveshje verbale me Aston Villa për transferimin e 23-vjeçarit, Morgan Rogers në një operacion që pritet të thyejë rekordet. Sipas raportimeve të fundit, vlera totale e marrëveshjes kap shifrën e 117 milionë paundëve (rreth 138 milionë euro), duke e bërë Rogers një nga blerjet më të shtrenjta në historinë e futbollit.
Lojtari kishte shprehur dëshirën për t'u transferuar te Chelsea, pavarësisht interesimit konkret nga Arsenali. Një rol kyç në këtë vendim thuhet se ka luajtur trajneri i ri i "Bluve", Xabi Alonso i cili e ka bindur mesfushorin të bashkohet me projektin e tij.
Rogers pritet t'i nënshtrohet testeve mjekësore ditën e hënë, ndërsa marrëveshja parashikon një kontratë gjashtëvjeçare, me opsionin për një vit shtesë.
Lexo gjithashtu
