Futbolli në zi! Sol Bamba, ish-mbrojtësi i Leed United, Leciester, Cardiff dhe Middlesbrough ka ndërruar jetë në moshën 39-vjeçare. Ky i fundit ishte diagonistikuar me limfomë në vitin 2021, por nuk kishte kancer pas një trajtimi me kimioterapi.
Megjithatë, Bamba u sëmur në prag të ndeshjes që ekipi ku ishte trajner, Adanaspor do të luante kundër Manisa. Lajmin për vdekjen e 39-vjeçarit e ka bërë të ditur pikërisht klubi turk i Adanaspor, me anë të një njoftimi në rrjetet sociale ku tregojnë për largimin nga jeta të parakohshëm të trajnerit të tyre.
“Trajneri ynë Souleymane Bamba, i cili u sëmur para ndeshjes kundër Manisa Football Club, u dërgua në Spitalin Universitar Manisa Celal Bayar dhe fatkeqësisht humbi betejën për jetën. Ngushëllimet tona familjes së tij dhe komunitetit tonë”, shkruan klubi turk.
Përveç karrierës së gjatë në Premier League, Bamba duhet theksuar se e ka nisur karrierën te Paris Saint-Germain në Francë. Gjithashtu, ka luajtur për ekipe si Palermo, Trabzonspor, Hibernian dhe Dunfermline.
Lexo gjithashtu
