Thierry Henry zgjodhi lojtarin më të mirë me të cilin ka luajtur dhe nuk ishte Lionel Messi apo Zinedine Zidane.
Henry ka ndarë dhomën e zhveshjes me disa nga figurat më ikonike të futbollit, pasi ka përfaqësuar Juventusin, Arsenalin dhe Barcelonën dhe ka luajtur për Francën së bashku me një brez të artë futbollistësh francezë.
Në atë kohë, ai ka luajtur përkrah lojtarëve si Andres Iniesta, Xavi, Ronaldinho, Patrick Vieira, Zlatan Ibrahimovic dhe Samuel Eto'o, si dhe fituesi i tetë herë i “Topit të Artë”, Messi dhe ikonës së Francës Zidane.
Por kur iu kërkua të zgjidhte lojtarin më të mirë me të cilin kishte luajtur, Henry zgjodhi Dennis Bergkamp.
"Për shkak të jetëgjatësisë dhe për shkak se e shihja atë çdo ditë në stërvitje për shtatë vjet, Dennis Bergkamp. Pse? Sepse ai gjithmonë bënte atë që loja i kërkonte të bënte. Unë e admiroja mënyrën sesi Dennis gjithmonë përpiqej të respektonte lojën.
Ai mund të shënonte, por gjithashtu mund të kalonte dhe të priste momentin e duhur... Unë e respektoja shumë për këtë, por edhe mënyrën se si stërvitej”, tha Henry. Thierry dhe Bergkamp përfunduan një sezon të pamposhtur së bashku me Arsenalin në Premier League, 2003-2004.
Lexo gjithashtu
