Përfaqësuesja e Argjentinës ka publikuar listën e lojtarëve të cilët janë thirrur nga trajneri Lionel Scaloni për kompeticionin “Copa America”.
Lista fillestare përbehet prej 29 lojtarëve, por 3 lojtarë do të hiqen pak para fillimit të kompeticionit. Një grup lojtarësh mjaft i mirë, ku emrat e mëdhenj nuk mungojnë si në mesfushë, por sidomos në repartin e sulmit.
Trajneri Scaloni ka marrë në ekip 3 portierë, Franco Armandi, Geronimo Rulli dhe Emiliano Martinez, me këtë të fundit që me shumë mundësi do të jetë titullar.
Në mbrojtje trajneri i kampionëve të botës ka thirrur lojtarë si Montiel, Molina, Balerdi, Romero, Pezzella, Quarta, Otamendi, Lisandro Martinez i Manchester United, Acuna, Tagliafico dhe Barco.
Në repartin e mesfushën gjithashtu ka lojtarë të njohur si Leandro Paredes, Mac Allister, De Paul dhe Enzo Fernandez. Por pa lënë pas Guido Rodriguez, Palacios dhe Lo Celso.
Sulmi është pika më e fortë e këtij ekipi, me në krye Leo Messin, ku pas tij vijnë Angled Di Maria, Carboni, Angel Correa, Nicolas Gonzalez, Lautaro Martinez, Julian Alvarez dhe talenti i Manchester United, Alejandro Garnacho.
View this post on Instagram
Lexo gjithashtu
