Barcelona triumfoi 4-2 ndaj Valencias, me katalanasit që rikthehen te fitorja në kampionat pas humbjes në “El Claciso”. Një fitore që gëzon Xavin Hernandez, i cili pas sfidës shprehet shumë i lumtur për formën që po kalon ekipi.
Timonieri spanjoll foli gjithashtu edhe për qëndrimin e tij te Barça. Ndërsa në janar ishte shumë i ngarkuar dhe ndjehej përgjegjës për rezultatet negative të skuadrës.
“Jam i lumtur dhe i kënaqur me qëndrimin e skuadrës sepse gabimet na bënë të rritemi. Kishte gabime individuale, por mendoj se pamë një organizim të mirë, veçanërisht në sulm. Duhet të kemi më shumë qetësi.
Gara për vendin e dytë me Gironan? Do të jetë një ndeshje e shkëlqyer. Të dyja skuadrat përpiqen të sulmojnë, do të jetë mirë për shfaqjen që do të dhuroi.
Ndihem shumë mirë. Në janar u ndjeva përgjegjës për atë që po ndodhte, por tani situata ka ndryshuar dhe kjo është arsyeja pse fola me Presidentin. Barça është shumë emocionuese. Katalanasit janë të tillë ndonjëherë na shkon shkëlqyeshëm dhe ndonjëherë shkatërrojmë gjithçka, ndjeva mbështetjen nga klubi, nga Deco dhe nga lojtarët”, përfundoi Xavi.
Lexo gjithashtu
