Eden Hazard vazhdon që të ‘pasurojë’ Chelsean. Klubi londinez pritet të marrë një bonus përfundimtar prej 6 milionë eurosh nga marrëveshja për transferimin e belgut te Real Madrid.
Ky bonus erdhi pasi skuadra madrilene ia doli që të të arrinte në finalen e Champions League.
Ish-lojtari i Lille u shit te Reali në vitin 2019 për 130 milionë paund, 40 nga të cilat ishin në formën e bonuseve, në varësi të paraqitjeve apo rezultateve të marra nga skuadra spanjolle.
Këto kushte janë ende në fuqi, pasi lojtari kishte firmosur kontratë të vlefshme deri më 30 qershor të vitit 2024. Edhe pse ai tashmë është një ‘pensionist’, kontrata e tij detyron që Reali të ‘derdhë’ para te Chelsea.
Kujtojmë që Hazard luajti vetëm 76 ndeshje në 4 sezone me fanellën e “Los Blancos”, me të cilët fitoi edhe Champions League në vitin 2022.
Lexo gjithashtu
