Megjithë humbjen e dhimbshme në finalen e Kupës së Mbretit kundër Barcelonës, brenda Real Madridit ekziston besimi se disfata erdhi për shkak të disa detajeve, dy gabimeve individuale dhe përshtypja e përgjithshme që ka lënë skuadra këtë sezon ka qenë pozitive.
Megjithatë, ka pasur zëra të vazhdueshëm nga Spanja se Carlo Ancelotti do të shkarkohet në rast të një dështimi në El Clasico. Por nuk ishte kështu. Qëndrimi i Realit ndaj Barcelonës nuk e ka bërë klubin madrilen të zgjedhë një shkarkim të menjëhershëm dhe nuk do të ndodhë në ditët në vijim, raporton “Relevo”, të paktën deri në fund të kampionatit Ancelotti do të qëndrojë në stol, më pas do të diskutohet mes palëve.
Ky është plani i drejtuesve, të cilët kanë respekt dhe dashuri të madhe për “Carletton”. Sipas kolegëve spanjollë, destinacioni i tij i radhës do të jetë Brazili. Dhe siç zbulohet nga “The Athletic”, ai tashmë ka folur me disa njerëz në Valdebebas dhe ka raportuar se do të largohet. Ndeshja e tij e fundit me Real Madridin do të jetë më 25 maj në “Santiago Bernabeu” kundër Real Sociedad.
Lexo gjithashtu
