Pasi fituan në derbi përballë Milanit me rezultatin 1-2 dhe u shpallën kampion për herë të 20-të në histori, trajneri i Interit, Simone Inzaghi ka folur para mediave, duke shprehur qartë lumturinë e tij, por duke vlerësuar maksimalisht edhe ndeshjen e sotme të Milanit.
“Scudetto i fituar mbrëmjen e sotme është diçka e bukur, për t’u ndarë me të gjithë, klubin menaxherët, presidentin që për fat të keq nuk është këtu me ne, por që është shumë i lumtur dhe e ndjeva. Këtë titull ia dedikoj edhe familjes sime, gruas, prindërve, të cilët kanë qenë një mbështetje e rëndësishme për mua në këto 3 vite, që të mos punoja larg shtëpisë, ndaj i falenderoj të gjithë.
Më lumturon shumë pasioni i këtyre tifozëve. Në këto 3 vite kemi fituar 6 trofe dhe kemi shkuar në një finale të Champiosn League. E vështirë të imagjinohej kështu, por kjo ka ndodhur falë djemve. Do të dooja ta nderoja Milanin, nuk ishte e lehtë pasi ata dhanë gjithçka deri në fund. Ata ishin kundërshtarë shumë të denjë në këto 3 vite dhe do të jenë të tillë edhe në vitet e ardhshme”, është shprehur Inzaghi.
Lexo gjithashtu
