Luigi Di Biagio ka patur një aventurë të shkurtër në Shqipëri, teksa drejtoi për 3 muaj skuadrën e Dinamos. Ish-trajneri i “Bluve” u ul në stolin e dinamovitëve në gushtin e vitit të kaluar dhe u largua në tetor.
Pikërisht Di Biagio ka komentuar sfidën mes Italisë dhe Shqipërisë, takim që përfundoi në favorin e italianëve me shifrat 2-1. Sipas ish-it të Dinamos skuadra e Spallettit luajti bukur për 60 minuta, teksa fitorja ishte mëse e merituar ndaj kuqezinjve. Ndër të tjera ia komenton edhe Cheisan dhe Scamaçan.
“Fitore e merituar dhe lojë e mirë. Pamë një Itali të bukur për rreth 1 orë, komplimente djemve dhe Spallettit. Bravo edhe për qetësinë me të cilën e kaluan krizën e fillimit.
Chiesa? Është një nga më të fortët në Itali, do e vendosja ndër 3 lojtarët më të mirë të Serie A. Më pëlqeu entuziazmi me të cilin luajti kundër Shqipërisë, diçka që e kishte humbur në fundin e sezonit.
Scamaça? E njoh që kur ishte 15 vjeç. Për mua është një futbollist i shkëlqyer. Thjesht i duhet të hedhë hapin final për t’u bërë një lojtar i madh. Kundër kuqezinjve shpërndau topa, dhuroi 3-4 pasime të një bukurie të rrallë. I mungoi vetëm goli”, ka përfunduar Di Biagio.
Lexo gjithashtu
