Gennaro Gattuso mund të jetë trajneri i ri i Italisë. Ish-trajneri i Milan mësohet se është takuar me Gigi Buffon ku kanë folur për mundësinë e drejtimit të Kombëtares, ndërsa menjëherë më pas Gattuso ka patur një tjetër takim me presidentin e Federatës, Gabriele Gravina.
Sipas mediave bëhet me dije se diçka të tillë e ka “konfirmuar” babai i ish-trajnerit të Milanit, Franco Gattuso. Ky i fundit ka theksuar se Gennaro është shumë afër kalimit te Italia dhe nëse kjo do të konkretizohet do të ishte diçka fantastike, pasi e meriton.
“Gjithçka është shumë afër, Rino mund të jetë trajneri i ri i Italisë. Të gjithë do të ishim shumë të lumtur për të, sepse e meriton. Të gjithë këtu janë shumë të kënaqur, nëse ai do ta sillte Kupën përsëri në Corigliano, do të ishte një ngjarje e jashtëzakonshme. Tani i takon atij të tregojë se është i denjë për këtë detyrë, por gjithashtu duhet t’i jepet kohë për të punuar”, ka theksuar Franco.
Kujtojmë se Luciano Spalletti u shkarkuar vetëm pak javë më parë, me Italisë që bën pjesë në grupin I kualifikuar të Kupës së Botës 2026.
Lexo gjithashtu
