Ish-drejtuesi i Milanit, Ariedo Braida shumë shpejt pritet të bëhet pjesë e Bayern Munich, aty ku do të mbajë rolin e konsulentit. Braida njihet për shoqërinë e mirë që ka me Karl-Heinz Rummeniggen dhe kjo është arsyeja e kalimit të tij te bavarezët.
Kujtojmë që edhe Rummenigge u rikthye te Bayerni para një viti, ku tashmë mban rolin e anëtarit të Këshillit Mbikqyrës.
Situata te klubi gjerman është paksa e ‘turbullt’ përsa i përket trajnerit të ri. Thomas Tuchel do të largohet në fund të sezonit dhe drejtuesit ende nuk kanë gjetur pasuesin e tij. Zinedine Zidane është një ndër emrat më të përfolur, por në skenë ka dalë një emër i ri. Dhe kjo vjen pikërisht nga Ariedo Braida. Ky i fundit është një ‘tifoz’ i zjarrtë i Massimiliano Allegrit.
Pritet që konsulenti i ri i Bayern Munich ta propozojë emrin e trajnerit italian te drejtuesit bavarezë, që Allegri të marrë drejtimin e rekordmenëve gjermanë sezonin e ardhshëm.
Nuk dihet ende nëse drejtuesit e Bayern Munich do ta marrin për bazë këtë propozim, por duke ditur rrethanat dhe vështirësinë në tregun e trajnerëve, Allegri mund të kthehet në një opsion konkret për gjermanët.
Lexo gjithashtu
