Mesfushori i Chelseas, Enzo Fernandez ka ndarë një nga ëndrrat e tij në sirtar sa i takon karrierës së tij futbollistike. Ai është shprehur se për të një ndër ambiciet më të mëdha personale është që një ditë të trashëgojë shiritin e kapitenit te Kombëtarja e Argjentinës, pas epokës Lionel Messit.
24-vjeçari në një intervistë të dhënë për “GiveMeSport”, ka thënë se kjo ëndërr ka qenë gjithmonë pjesë e objektivave të tij, por gjithsesi është shumë i vetëdijshëm se vendimi i takon stafit teknik.
“Në nivel personal, sigurisht që ëndërroj të jem kapiten i Argjentinës, por ai vendim nuk varet nga unë. Është në dorën e stafit teknik. Natyrisht që ëndërroj të jem kapiten i Argjentinës. Nuk e di kur mund të ndodhë. Pa dyshim është një nga ëndrrat e mia dhe do të ishte nder i madh ta mbaj shiritin”, ka përfunduar mesfushori.
Larg Barcelonës, në rrethanat ku ndodhet tani tek Chelsea, Fernandez e ka ndjerë “shijen” e kapitenit në disa ndeshje.
Ndërsa në kampin argjentinas gjithashtu ka konkurencë pasi futbollistë si Cristian Romero dhe Emiliano Martinez shihen gjithashtu si kandidatë serioz për të pasuar Messin.
Lexo gjithashtu
