Mbrëmja magjike e Champions League ka dhuruar dy barazime në takimet e orës 18:45.
Atalanta e Berat Gjimshitit nuk ka shkuar më shumë se një barazim pa gola kundër Celtic. Një 90 minutësh tepër i luftuar nga të dy ekipet, por që në fund nuk prodhoi gola.
Italianët ishin më kërkues, gjithsesi në goditjen finale gabuan koordinatat për tu kënaqur me vetëm një pikë.
Barazim që mban pozitive eksperiencën Europiane, pasi në 3 ndeshje ka grumbulluar 5 pikë për të mos provuar ende shijen e humbjes. Pas këtij barazimi, Atalanta gjendet në vendin e 12 me 5 pikë. Ndërkaq, Celtic ka grumbulluar 4 pikë.
Në barazim 1-1 përfundoi edhe sfida në Francë mes Brest e Bayer Leverkusen. Wirtz e Lees Melou shënuan golat e këtij takimi, për të dhuruar një barazim emocionues. Të dy skuadrat kanë ecuri të njëjtë rezultatesh, teksa gjenden në kuotën e 7 pikëve.
Goli i Florian Wirtz
Goli i Lees-Melou
Lexo gjithashtu
