Në orën 21:00 të gjithë tifozët janë sy e veshë nga “Santiago Bernabeu”, aty ku do të luhet çerekfinalja e kthimit mes Real Madrid dhe Arsenalit. Dueli i parë mes tyre ka përfunduar 3-0 në favor të anglezve dhe në shtëpinë e tyre spanjollët do të synojnë përmbysjen.
Një përballje shumë e luftuar dhe mjaft emocionuese pritet në Bernabeu, ku “Los Blancos” do të hidhen në fushë “all-in” vetëm për fitoren dhe kualifikimin. Për “Topçinjtë’ nuk do të jetë e lehtë, pasi do të luajnë në një transfertë shumë të vështirë, ku madrilenët gjithëmonë kanë bërë përmbysje të çmendura.
Në një video të postuar në rrjetet sociale, Reali ka shkruar se 90 minutat në Bernabeu janë shumë të gjata, ndërsa i ka kërkuar “ndihmë” edhe ChatGPT për ta paraqitur në disa gjuhë të ndryshme, ku sigurisht edhe në anglisht. Kjo video është përhapur me shpejtësi, duke marrë shumë reagime nga tifozët.
9️⃣0️⃣⏱️. pic.twitter.com/0rrZJ2zYaq
— Real Madrid C.F. (@realmadrid) April 16, 2025
