Trajneri serb i Borac Banja Luka, Mladen Zizovic, ka folur në konferencën e zakonshme për shtyp para ndeshjes ndaj Egnatias në Champions League. 43-vjeçari nga stadiumi “Elbasan Arena” ka përcjellë njëfarë frike me fjalët e tij, për incidentet që mund të ndodhin nesër.
“Mendoj se sipas meje çdo gjë ishte e saktë. Çdo faull u dha, çdo karton që ishte i verdhë u dha dhe çdo incident tjetër ishte.
Shpresoj që nesër çdo gjë të jetë në rregull, si nga trajneri, arbitrat, stafi. Fundja unë jam trajner dhe duhet të fokusohem vetëm te ndeshja dhe nuk dua të komentoj gjërat e tjera”, u shpreh Zizovic.
Kujtojmë se ndeshja luhet nesër në orën 21:00. Takimi i parë në Bosnjë u humb nga Egnatia me rezultatin 1 me 0. Rrogozhinasit vuajtën dhe 2 kartonë të kuq gjatë ndeshjes.
