Sulmuesi i Bayern Munich, Thomas Muller sigurisht që nuk e priti aspak mirë eliminimin nga Champions League. Humbja ndaj Realit dhemb, por më shumë i dhemb ai moment i minutave të fundit, kur arbitri vërshelleu para kohe.
Muller është ndalur pikërisht për të folur për atë episod, duke u shprehur se është diçka që ndodh shpeshherë në Madrid. Madje, Muller shton se kjo ndodhi edhe vite më parë me Cristiano Ronaldon, por atëherë s’kishte VAR si ditët e sotme.
“Të luash kundër Real Madrid është gjithmonë shumë e çuditshme. Arbitri nuk shoi në VAR. Ai as nuk mori mundimin që të shkonte ta shihte. Një situatë si kjo është shumë e çuditshme, t’i biesh bilbilit kaq shpejt është e çudtishme. Ndodh shpesh këtu në Madrid. E pashë të bëhej disa vite më parë me Cristiano Ronaldon, por kjo ishte me VAR”, është shprehur Thomas Muller.
